"Nur Otan" partıasy Baızaq aýdandyq fılıalynyń májilis zalynda oblystyq saılaýaldy shtabynyń  músheleri,  oblystyq máslıhat depýtattyǵyna kandıdattar Murathan Shúkeev pen Bekbol Maımyshevpen ótken kezdesýde aýdandaǵy etnomádenı birlestik  jetekshileriniń oıy osyǵan saıdy. Ashyq, erkin formatta uıymdastyrylǵan basqosýǵa aýdan aýmaǵyndaǵy túrik,  koreı,  orys,  nemis etnomádenı birlestikteriniń jetekshileri men músheleri,  aýdandyq qoǵamdyq jáne aparattyq shtab músheleri qatysyp otyrdy.

Kezdesýde kandıdattar partıanyń saılaýaldy baǵdarlamasynyń negizgi baǵyttaryn tanystyryp, oblys kóleminde atqarylǵan aýqymdy ister, tyndyrylǵan tirlikter, qol jetkizgen jetistikter men aldyǵa qoıǵan maqsattar turǵysynda sóz qozǵaldy.

Qazirgi tańda oblysta 80-nen astam etnos ókili turady, birlikti, konfesıaaralyq jáne etnosaralyq kelisimdi nyǵaıtýǵa eleýli úles qosatyn 34 etnomádenı birlestik jumys isteıdi. Qoǵamnyń ulttyq sanasyn jańartý, qoǵam músheleriniń biregeıligin aıqyndaıtyn mádenı jáne rýhanı qundylyqtardy saqtaý jáne kóbeıtý ıdeıasy boıynsha jumys júrgizilýde.

Kandıdattar tarıhı-mádenı murany saqtaýǵa jáne óner men mádenıet salalaryn damytýǵa jáne memlekettik tildi nasıhattaýǵa, qoldaný aıasyn keńeıtýge, Qazaqstan halqynyń tilderin damytýǵa, etnosaralyq jáne konfesıaaralyq kelisimdi, birlikti  nyǵaıtý boıynsha etnomádenı jáne dinı birlestikterdiń qyzmetin qoldaýǵa sondaı-aq, Jambyl oblysynyń birtýar týmalarynyń murasyn nasıhattaýǵa shaqyrdy.

Jıynǵa qatysqan etnomádenı birlestiktiń  ókilderi de "Nur Otan" partıasyna aldaǵy saılaý naýqanynda sáttilik tilep,  óńirdegi oń ózgeristerdi tilge tıek etip,  birlik bar jerde berekeli is bolatynyn jetkizdi. 

"Nur Otan" partıasy Jambyl oblysynyń Saılaý qorynyń qarajatynan tólendi