Búgin «Almaty qalasynyń Kásipodaq ortalyǵy» aýmaqtyq kásipodaqtar birlestiginiń baqylaýshylar mektebinde «Meniń saılaý quqyǵym» baǵdarlamasy aıasynda kezekti sabaqtar ótkizildi.
Aıta ketý kerek, 2021 jylǵy saılaý jańa jaǵdaıda – koronavırýstyq pandemıa kezinde ótedi. Sonymen qatar, saılaý zańnamasyna engizilgen jańa túzetýlerge sáıkes 16 jyl ishinde alǵash ret parlamenttik saılaý merziminen buryn ótkizilmeıdi. Parlament Májilisi turaqty komıtetteriniń bir tóraǵasy men eki hatshysyn saılaý parlamenttik opozısıa depýtattarynyń arasynan júzege asyrylatyn bolady. Parlamenttik praktıkada alǵash ret áıelder men jastarǵa arnalǵan partıalyq tizimderde 30 paıyzdyq kvota engizildi.
Oqytý barysynda «Tatýlasý ortalyǵy» tatýlastyrý ortalyǵynyń mamandary QR Zańnamasy aıasynda saılaý kezindegi tártip erejelerin túsindirdi. Etıka, sondaı-aq buqaralyq aqparat quraldarymen ózara is-qımyl máseleleri qozǵaldy. 
«Biz úshin kez kelgen adamnyń erik bildirý bostandyǵy, eń aldymen, qandaı da bir ekonomıkalyq, ákimshilik yntalandyrýlardan, quqyqtyq óristen tys yqpal etýden emes, onyń nanymynan shyǵýy óte mańyzdy. Bizdiń baqylaýshylarymyzdyń qysqa merzimdi mısıasy saılaý týraly zańnamada kózdelgen barlyq rásimderdiń saqtalýynan turady», - dep atap ótti aýmaqtyq kásipodaqtar birlestiginiń baqylaýshylar shtabynyń tóraǵasy Serikjan Baıǵutdınov. 
Baqylaýshylar saılaý kezinde jiberilgen barlyq buzýshylyqtardy tirkep otyrady.
«Saılaý kezinde bizdiń baıqaýshylarymyz zańnama aıasynda qatań áreket etetin bolady. Olar, atap aıtqanda, saılaý komısıasynyń otyrysyna qatysa alady, saılaýshylardyń sany týraly aqparat ala alady (ýchaskede jáne úı-jaıdan tys jerde), tasymaldanatyn saılaý jáshikterin alyp júre alady, daýys berý barysyn, daýystardy sanaýdy jáne nátıjelerdi resimdeýdi baqylaı otyryp, atalǵan barlyq rásimderdi anyq kóre alady. Olardyń mindetteriniń biri – saılaýshylardyń ýchaskege kelýi múmkin bolmaǵan jaǵdaıda olarǵa daýys berýge arnalǵan úı-jaıdan tys jerde daýys berýine qatysý», - dep bólisti kásipodaqtar atynan baqylaýshylar shtabynyń tóraǵasy.
Serikjan Baıǵutdınov atap ótkendeı, baıqaýshylar belgili bir kandıdatqa nemese partıaǵa óz kózqarasyn bildirmeýi kerek, kez kelgen túrde saılaý prosesine jáne saılaý komısıasynyń jumysyna aralaspaýy tıis.
Pikir qaldyrý