Búgin, 21 jeltoqsanda Almatyda qalalyq saılaýaldy shtab músheleriniń «Omega dámdeýishter» JSHS eńbek ujymymen onlaın-kezdesýi ótti. Nur Otan partıasy atynan máslıhat depýtattyǵyna kandıdattar saılaýshylardy partıanyń saılaýaldy baǵdarlamasynyń erejelerimen tanystyrdy. 
Depýtattyqqa kandıdat, «Aısultan» holdıń kompanıasy dırektorlar keńesiniń tóraǵasy Erbolat Qasymov óz sózinde Almaty - elimizdiń iskerlik astanasy, Ortalyq Azıa óńiriniń negizgi kólik-logıstıkalyq toraptarynyń biri ekenin atap ótti. «Álemniń úzdik megapolısteriniń qataryna kirý úshin qalamyzǵa jylyna keminde 5% ekonomıkalyq ósim qajet. Buǵan eńbek ónimdiligin arttyrý arqyly ǵana qol jetkizýge bolady», - dedi ol. 
«Almaty ekonomıkasynyń ósýi úshin aldaǵy 5 jylda Nur Otan partıasy áleýeti joǵary basym sektorlardyń qatarynda kreatıvti ındýstrıany aıqyndady. Bul jyl saıyn 30 mln-ǵa jýyq jumys ornyn quratyn álemdik ekonomıkanyń eń jyldam damyp kele jatqan salalarynyń biri», - dep habarlady depýtattyqqa kandıdat, «Almaty tazalyq» dırektory Ǵanı Myrzahanov.
Máslıhat depýtattyǵyna kandıdat, M.Áýezov atyndaǵy ádebıet jáne óner ınstıtýty dırektory Kenjehan Matyjanovtyń aıtýynsha Almaty dızaın, sáýlet, mýzyka, ádebıet, sán, medıa, sandyq óner, kıno, anımasıa jáne teatrdy damyta otyryp, Ortalyq Azıanyń kreatıvti ındýstrıasynyń ortalyǵyna aınalýǵa múmkindigi bar. «Aldaǵy bes jylda kreatıvti ındýstrıada qalada 15 myńǵa jýyq turaqty jáne jyl saıyn keminde 5 myń ýaqytsha jumys orny qurylady», - dep atap ótti ol.
Sondaı-aq, saılaýshylarmen kezdesýge Nur Otan partıasynyń kandıdattary-Serik Áýbákirov, Erulan Qaraǵulov, Mamed Nasımov, Tóleýǵalı Taıtóleev, Natalá Rahalskaıa jáne Janar Quralbaeva qatysty.
Nur Otan partıasyna daýys berińiz!

Nur Otan partıasy Almaty qalasy saılaý qorynyń qarajatynan tólendi.