Qytaı-Reseı birikken bombalaýshy ushaqary daýly teńizderdiń ústinen ushyp ótti. Bul týraly Business Insider basylymy habarlady. Kóp ótpeı Japonıa men Ońtústik Koreıa joıǵysh ushaqtaryn olarǵa qarsy jumyldyrǵany málim boldy.

Qytaı men Reseı áskerı qarym-qatynastaryn kúsheıtti. Eki alpaýyt el Tynyq muhıt keńistigine bombalaýshylar jiberip, qarýly qaqtyǵys úreıin kúsheıtti. 

Qytaıdyń H-6K bombalaýshylarynyń tórteýi jáne reseılik eki Tý-95 strategıalyq bombalaýshylary Shyǵys Qytaı teńizi men Japonıa teńizi ústinen ushyp ótken. Muny reseılik áskerıler rastady. Reseıdiń qorǵanys mınıstrligi bul áskerı operasıany Máskeý men Beıjiń arasyndaǵy qarym-qatynasty jaqsartý áreketi dep jarıalady.

Onda "Reseı men Qytaıdyń jan-jaqty seriktestigin damytý jáne tereńdetý, eki áskerı kúsh arasyndaǵy yntymaqtastyq deńgeıin odan ári arttyrý, olardyń birlesken is-qımyl qabiletterin keńeıtý jáne strategıalyq turaqtylyqty nyǵaıtý" kózdelgeni aıtylǵan.

Mınıstrlik patrúldik reıs "úshinshi elderge qarsy baǵyttalmaǵan" dep qosty.

Al, Reseı prezıdenti Vladımır Pýtın qazan aıynda Beıjiń-Máskeý áskerı seriktestigin joqqa shyǵarmaıtynyn málimdegen.