Qytaılyq Alibaba kompanıasy monopolıalyq tájirıbege baılanysty tekserilip jatyr. Bul týraly Qytaıdyń naryqty retteý jónindegi memlekettik basqarmasy beısenbide málimdedi.

Retteýshilerdiń aqparatyna sáıkes, Alibaba saýdagerlerdi básekeles platformalarda ónim usynýǵa múmkindik bermeıtin eksklúzıvti mámilelerge qol qoıýǵa májbúr etken.

Sońǵy kezderi Qytaıdyń Alibaba jáne Tencent sıaqty tehnologıalyq alpaýyttary Qytaı úkimetiniń jiti baqylaýyna alynǵan.

"Mıllıarder Djek Ma negizin qalaǵan Alibaba úkimettik baqylaýshylardyń repressıasy men qaharyna ushyrady" dep jazdy BBC.

Ótken aıda álemdegi eń iri aksıa bolady dep kútilgen "Alipay" qor naryǵyndaǵy tizimnen alynyp tastaldy. 

Retteýshiler İRO naryqqa shyǵarylýdan birneshe kún buryn ony buǵattaýǵa sheshim qabyldady. Oǵan kompanıanyń mıkrokredıttik qyzmetteri týraly alańdaýshylyq sebep bolǵan.

Sodan beri tehnologıalyq kompanıaǵa barlyq jańa monopolıaǵa qarsy erejeler engizildi. Sonyń saldarynan Alibabanyń naryqtyq quny shamamen 140 mlrd dollar nemese 17% tómendedi.