Básekelestikti qorǵaý jáne damytý agenttiginiń tóraǵasy Serik Jumanǵarın Reseı Memdýmasy depýtattarynyń Qazaqstan terıtorıasy jaıly aıtqan málimdemesine pikir bildirdi. Bul týraly ol facebook paraqshasynda jazdy.

– Qazaqstannyń syrtqy ister mınıstri Muhtar Tileýberdi dıplomatıalyq túrde bizdiń aýmaǵymyzdyń, shekaramyzdyń tutastyǵyna aýyzsha qol suqqan reseılik depýtattar men saıasattanýshylarǵa tarıhty úıretti.

"Joǵary bilim alyp, otanymyzdyń tarıhyn bile tura, men orys tilindegi bul sózge kelesideı jaýap berer edim: eto bred sıvoı kobyly. Syrtqy ister mınıstri retinde bul Reseı Federasıasynyń resmı ustanymyna sáıkes kelmeıtinin aıtqym keledi".

Qazaq halyq saıasatynda bul "Jynymdy keltirmeńizshi!" degendi bildiredi, – dep jazdy Serik Jumanǵarın paraqshasynda.

Eske salsaq, Reseı dýmasynyń depýtaty jáne "Bolshaıa ıgra" baǵdarlamasynyń júrgizýshisi Vácheslav Nıkonov "Pervyı kanal" memlekettik telearnasynyń efırinde "Qazaqstan aýmaǵy – Reseı tarapynan jasalǵan syı" dep málimdegen.