Beıjiń Ońtústik-Qytaı teńizindegi daýly aımaqqa ekinshi amfıbıalyq shabýyl kemesin jiberdi.

"075 tıpti" áskerı keme soǵys ushaqtaryn tasıdy. Málimetterge sáıkes, ol Shanhaıdaǵy Hýdýn Chjýnhýa verfinen júzip shyqqan.

Keme Shyǵys Qytaı teńizine qaraı bet alýda. "Bastapqy joba boıynsha tikushaqty tasymaldaýǵa qabiletti jáne syıymdylyǵy 30 000 tonna keme qajet bolǵan" dep habarlady NavalNews.

Degenmen, bul kemeniń tehnıkalyq sıpattamalary bastapqy jobadan asyp túsedi. Onyń syıymdylyǵy 36000 tonna. Onyń 28 tikushaq kótere alatyny da aıtylady.

Qytaı áskerı kúshteri "075 tıpti" kemelerdiń segizine tapsyrys bergen. Úshinshisi kelesi jyldyń basynda jetkizilmek.

Sońǵy kezder AQSH-Qytaı arasynda áskerı qaıshylyq kúsheıe tústi. Ásirese Ońtústik Qytaı teńizindegi daýly aımaqqa jáne Taıvanǵa qatysty eki alpaýyt eldiń shıelenisteri artty.

Bıyl Vashıngton Taıvanǵa birqatar úkimettik sheneýnikterdi, sonyń ishinde AQSH Memlekettik hatshysynyń ekonomıkalyq máseleler jónindegi orynbasary Kıt Krachty jiberdi.

Qytaı AQSH-ty Taıvanmen "kez kelgen resmı qatynasty toqtatýǵa" shaqyrdy.

Aıta keteıik, buǵan deıin Qytaı-Reseı birikken bombalaýshylary AQSH kemeleri júrgen daýly aımaqtyń ústinde ushqany jarıalanǵan. İle shala Japonıa men Ońtústik Koreıa olarǵa qarsy joıǵysh ushaqtaryn biriktirgeni habarlandy. Kóp ótpeı Beıjiń soǵys kemesi AQSH zymyran joıǵyshyn óksheleı qýǵany málim boldy.