"Ashýly jáne oqshaýlanǵan Donald Tramp Amerıkanyń ıadrolyq zymyrandaryn áli de jalǵyz baqylaýda ustaıdy" dep habarlady Forbes.
Mamandardyń sózine sáıkes, AQSH zańy men erejeleri boıysha, ıadrolyq shabýylǵa buıryq berý quqyǵy prezıdenttiń jeke ózine tıesili. 
"Biz shynymen de alańdaýymyz kerek" dedi Vashıngtondaǵy Qarý-jaraqty baqylaý qaýymdastyǵynyń ıadrolyq sarapshysy Kıngston Reıf.
Aqparatqa sáıkes, AQSH-ta shamamen 6200 ıadrolyq oqtumsyq bar.
Forbes basylymynyń jazýynsha, eger Tramp óz ákimshiliginiń sońǵy kúnderinde ıadrolyq shabýyl jasaýǵa buıryq berse Pentagonnyń atomdyq shabýyl tizbekterin toqtatatyn eshqandaı múmkindigi joq. 
"Buıryqtar jiberiledi. Zymyran, súńgýir qaıyq jáne bombalaýshy qondyrǵylar maqsatty toptamalar shyǵarady. Iadrolyq zymyrandar ushady. Bul prezıdenttiń aqyl-oıyna nemese kóńil-kúıine qaramastan júzege asyrylady" deıdi ıadrolyq sarapshy Ankıt Panda.
Amerıkalyq ıadrolyq júıeniń bul ereksheligi uzaq ýaqyt boıy sarapshylardy, tipti keıbir memlekettik qyzmetkerlerdi mazalap keledi.
"Bul prezıdent [Rıchard] Nıksonnyń aınalasyndaǵy adamdardy da alańdatqan. Sol sıaqty qazir de Tramptyń búkil prezıdenttik kezeńinde onyń ıadrolyq ushyrý quzyretine jalǵyz ıe bola alatyndyǵyna alańdap jatyrmyz" dedi  ıadrolyq sarapshy.

Al, AQSH kongresmenderi de Tramptyń ıadrolyq zymyrandardy qoldaný yqtımaldyǵy bar ekenin aıtady.