"Mashan Nurdaýren" kompanıasynyń dırektory Nurádil Rahmetolla Qazaqstan bıliginen kómek suraıdy. Aıtýynsha, Qytaı halyq respýblıkasy Shandýn provınsıasynyń sottary 2020 jylǵy 16 qańtarda Qytaı halyqaralyq ekonomıkalyq tórelik soty shyǵarǵan №122 úkimdi oryndaýǵa asyǵar emes.

Kásipker qytaılyq "IaNGÝANCHJÝNTAI" kompanıasymen qurylys materıaldaryn óndiretin qondyrǵylar jetkizý boıynsha 425 850 dollarǵa kelisimge kelgen. "Aqsha tólegenimen, qytaılyq kompanıa birneshe jyldan beri ne qondyrǵylardy, ne aqshany bermeı otyr" deıdi. Aryzdanýdan basqa amaly qalmaǵan ol joǵaryda atalǵan sottan ózge Lını qalalyq orta halyq soty men Beıjiń qalalyq tórtinshi orta sotynda jeńiske jetken. Alaıda "sot 425 850 dollardy óndirý týraly úkimdi oryndaýda túrli quıtyrqylyqtarǵa barýda" dep shaǵynady.