Alıbaba kompanıasynyń negizin qalaýshy Djek Ma uzaq ýaqyt úzilisten keıin qaıta halyq aldyna shyqty.

Onyń kásibi baqylaýǵa alynǵannan keıin kásipkerdiń qaıda júrgeni týraly túrli qaýeset taraǵan.

Mıllıarder Qytaıdyń 100 aýyl muǵalimimen vıdeo arqyly sóılesken. Cheıjang óńiriniń basshylarymen qarjylandyrylatyn Tianmu News-tiń habarlaýynsha, Ma myrza qaıyrymdylyq shara uıymdastyrý úshin aýyl muǵalimderimen sóılesken. Qaıyrymdylyq sharasy jylda kýrorttyq qala Sanıada uıymdastyrylatyn, alaıda bıyl pandemıaǵa baılanysty onlaın ótti. Muǵalimdermen sóılesý barysynda Djek Ma pandemıa aıaqtalǵanda Sanıada qaıta kezdesý qajettigin aıtty.

Vıdeoda ol kók jeıde kıgen. Djek Ma kameraǵa tik qarap sóıledi. Bólme sur mármarmen qaptalǵan, jolaq kilem tóselgen. Vıdeo qaıda túsirilgenin dóp basyp aıtý qıyn.

Osydan keıin Alıbaba aksıasy Gonkongtyń qor bırjasynda birden 5%-ǵa ósken.

Ótken aıda Qytaıdyń ortalyq banki Ant Group kompanıa basshylaryna tekseris jumystaryn júrgizdi. Ma myrza Ant Group kompanıasynyń basty aksıoneri.