"AQSH-tyń memlekettik hatshysy Maık Pompeo saıqymazaq, al onyń Shyńjań-Uıǵyr avtonomıalyq aýdanyndaǵy uıǵyrlardyń genosıdine qatysty málimdemesi – ǵasyrdyń ótirigi". Qytaı syrtqy ister mınıstrliginiń ókili Hýa Chýnın 20 qańtarda Beıjińde ótken brıfıńte osylaı dep aıtty. Bul týraly "RIA Novostı" saıty málimdedi. 

– Sońǵy birneshe jyl ishinde Pompeo tym kóp ótirik aqparat taratty ... Pompeonyń málimdemesi – kezekti bos sóz. Atyshýly amerıkalyq saıasatker óziniń sońǵy kúninde essiz ótirik taratyp, ózin saıqymazaq retinde kórsetti, – dep keltiredi HÝA Chýnın.

Maık Pompeo buǵan deıin Qytaıdy Sınszán-Uıǵyr avtonomıalyq aımaǵyndaǵy jaǵdaıǵa baılanysty genosıd jáne adamzatqa qarsy qylmystar jasady dep aıyptaǵan. Onyń aıtýynsha, Qytaı úkimeti "uıǵyrlardy júıeli túrde joıýǵa tyrysady".

New York Times gazeti Aq úı shyǵys ákimshiliginiń Qytaı úkimeti áreketterine bergen qatań anyqtamasy Djo Baıdenniń kabıneti arqyly Beıjińge qarsy sanksıalardyń keńeıýine ákelýi múmkin dep sanaıdy.

AQSH Qytaıdy sanksıalarmen qorqytyp, ony "uıǵyrlar men basqa musylman toptaryn qýdalady", "adam quqyǵyn buzdy", sonyń ishinde "Tıbetti de aıyptady" jáne "Gonkongty qorǵaý jobasy onyń joǵary avtonomıasyn joıýǵa baǵyttalǵan" dep málimdedi.

Qytaı bıligi barlyq aıyptaýlar men syndardy teristep, eldiń ishki isterine aralaspaýǵa shaqyrdy.