Reseı azamattary oppozısıoner Alekseı Navalnyıdy bosatýyn talap etip mıtıńke shyqty. Olardyń keıbirin polısıa ustap jatyr.

Buǵan deıin Navalnyı halyqty narazylyq aksıasyna shyǵýǵa shaqyrǵan bolatyn. Al polıseıler halyqty úıde otyrýyn talap etken.

Alekseı Navalnyı Berlınnen eline oralǵanda ony áýejaıda polıseıler ustap áketken. Polıseıler Navalnyıdy merziminen buryn bostandyqqa shyǵý shartyn buzdy dep aıyptady. Alekseı Navalnyı buny óziniń únin óshirý úshin ádeıi jasalǵan bılik áreketi dep sanaıdy.

Ol ýlanǵannan keıin Germanıada uzaq ýaqyt emdelgen. Navalnyı ózin "Reseı bıligi ýlady" degen pikirde. Tipti ózin ýlaǵandar týraly zertteý júrgizp, onyń beınenusqasyn youtube jelisine júktegen. Vıdeo búginde 20 mln-nan astam adam ret kórilgen.

Navalnyı jýyrda «Reseı prezıdenti Vladımır Pýtınniń Qara teńizdegi záýlim saraıy» degen vıdeo jarıalady. Ony 60 mıllıon adam kórgen. Bılik ókilderi saraı Pýtınge tıesili emes ekenin joqqa shyǵardy, alaıda Máskeýge halyq ılana qoımady.

Halyq Reseıdiń kóptegen qalasynda qarsylyq aksıasyna shyǵyp jatyr. Polıseıler mıtıńige shyqqandardy ustap áketýde. Ustalǵandardyń arasynda Navalnyıdyń baspasóz hatshysy Kıra Iarmysh pen onyń advokattarynyń biri Lúbov Sobol da bar. Olar aıyppul tóleıdi nemese qysqa merzimge túrmege qamalaýy múmkin, alaıda Kıra Iarmyshtyń qamaýda otyrǵanyna 9 kún boldy.  

Qazir mıtıń Vladıvostok, Krasnodar men Jańasibirde ótip jatyr. Senbide 60 qalada qarsylyq aksıasy bolady dep kútilýde.