Senbide Reseıdiń shyǵysynda reseılik oppozısıoner Alekseı Navalnyıdy qoldaý maqsatynda alǵashqy mıtıń ótti. Polıseıler mıtıńke 500 adam qatysqanyn aıtady. Basqa derekterge sáıkes, qarsylyq aksıasyna 3000 adam shyqqan.

Sibirdegi Iakýtsk qalasynda halyq -50S temperatýraǵa qaramastan mıtıńke shyqty. "OVD Info" táýelsiz qoǵamdyq uıymnyń aqparatyna sáıkes, polısıa el boıynsha 48 adamdy ustap áketken.

Polıseıler ruqsat etilmegen kez kelgen mıtıńke qatysýshylar qatań jazalanatynyn habarlady. Sondaı-aq Reseı bıiligi narazylar qatań repressıaǵa ushyraıtynyn eskertti.

Mıtıń Reseıdiń 60 qalasynda ótedi dep josparlanǵan. Eń iri oshaqtardyń biri – Máskeýdiń Pýshkın alańy. Polıseıler qazirgi sátte alańdy qorshap alǵan.

Mıtıńke shaqyratyn vıdeorolıkter kóbine jasóspirimder otyratyn TikTok jelisinde de taraǵan. Reseıdiń bilim jáne ǵylym mınıstrligi ata-analaraǵa balalaryn mıtıńke jibermeýin qatań eskertti.

Alekseı Navalnyı kim?

Alekseı Navalnyı reseılik oppozısıoner. 2018 jyly ótken prezıdenttik saılaýǵa qatysqan. Alaıda onyń kandıdatýrasy alynyp tastaldy.

Byltyr tamyzda 44 jastaǵy Navalnyı belgisiz zatpen ýlandy. Alekseı Navalnyı buǵan Reseı prezıdenti Vladımır Pýtındi aıyptady. Onyń aıyptaýlaryna jýrnalıs tergeýshiler de qosyldy. AQSH pen EO Reseıden Navalnyıdy bosatýyn talap etýde.