Dúnıejúzilik densaýlyq saqtaý uıymynyń (DSU) bir top ǵalymy koronavırýstyń shyǵý sebebin anyqtaý úshin Ýhanǵa attanǵan. Zertteý júrgizý barysynda Ýhandaǵy vırýsologıa ǵylymı bazasy joıylǵany anyqtaldy. "Ol zertteý jumysyna kóp kómegin tıgizetin edi" deıdi ǵalymdar.

Qytaı mamandary kóktemde pandemıa jarıalaǵanda ǵylymı bazada qandaı jumystar atqarǵanyn ǵylymı baza arqyly bilýge bolatyn edi.

NBC News osy týraly aqparat jınap, vıdeo jarıalady. Onda atalmysh bazada 20 myń jazba bar bolǵany týraly aıtylady. Ýhan zerthanasynyń joǵary laýazymdaǵy qyzmetkeri jazbalar qaýipsizdik úshin qajet bolǵanyn aıtady.

DSU ǵalymdary Qytaı bıligi koronavırýs ınfeksıasy týraly shyndyqty aıtqysy kelgen jýrnalıserdi, aqparat jetkizýshi basqa da adamdardy sottaǵanyna qaramastan áli dóp basyp eshteńe aıtýǵa bolmaıtynyn jetkizdi.

DSU-nyń sarapshylar tobynyń bir múshesi Pıter Dasak qytaılar buǵan deıin jarıalanbaǵan aqparatty bergenin aıtady.

Qytaı vırýsologtary vırýs Qytaıda emes basqa elde paıda bolǵanyn aıtady. Onyń ishinde Qytaıdyń aýrýdy  aldyn alý men baqylaý ortalyǵynyń bas epıdemıology Ý Szýnú da bar.

DSU-nyń densaýlyq saqtaý salasy boıynsha atqarýshy dırektory Maıkl Raıan vırýstyń naqty qaıda paıda bolǵanyn aıtý erte ekenin jetkizdi.