Toqaev sybaılas jemqorlyqqa qarsy is-qımyl agenttiginiń tóraǵasyna tapsyrma berdi

/image/2021/01/28/crop-6_95_928x1237_mycollages-89.jpg

Prezıdent Qasym-Jomart Toqaev sybaılas jemqorlyqqa qarsy is-qımyl agenttiginiń tóraǵasy Alık Shpekbaevty qabyldady, dep habarlady Aqorda saıty.

Alık Shpekbaev Toqaevqa sybaılas jemqorlyqqa qarsy bastamalardyń iske asyrylýy jáne elimizdiń Transparency International sybaılas jemqorlyqty qabyldaý ındeksi boıynsha ilgerilgeni týraly aıtty.

Agenttik tóraǵasynyń aıtýynsha, júıeli júrgizilip jatqan saıası jańǵyrý men sybaılas jemqorlyqqa qarsy reformalardyń arqasynda Qazaqstan atalǵan reıtıńte alǵash ret 38 bal jınaǵan. Bul eldiń 19 satyǵa joǵary kóterilip, 94-orynǵa taban tireýine múmkindik bergen.

Memleket basshysy agenttiktiń shyǵyndardy óteý jáne tıimsiz jumsalǵan qarjynyń aldyn alý boıynsha atqarǵan jumysynyń nátıjesinde 95,6 mıllıard teńgeniń keri qaıtarylǵanyn, onyń ekonomıkalyq tıimdiligin oń baǵalady. Sondaı-aq sybaılas jemqorlyq qylmystarynyń 5 paıyzǵa tómendegenin atap ótti.

Toqaev sybaılas jemqorlyqqa qarsy jańa zańnamalyq bastamalardy sapaly túrde júzege asyrýǵa jáne EYDU men GREKO standarttaryna sáıkes salalyq zańnamany jańǵyrtýdy jalǵastyrýǵa, onyń ishinde, sheneýnikterdiń shyǵystary men kiristeri bir-birine sáıkes kelmegeni úshin jaýapkershilik engizý máselesine nazar aýdardy.

Kezdesý sońynda prezıdent Agenttik tóraǵasyna jazany bultartpaı oryndaý qaǵıdatyn qatań saqtaýdyń mańyzdy ekenin aıtyp, qylmystyń aldyn alý isinde azamattyq qoǵammen baıypty jumys júrgizýdi tapsyrdy.

 

Pikir qaldyrý

Qatysty Maqalalar