Taldyqorǵan qalasy mańyndaǵy Eńbek aýylynda turatyn úsh balanyń ákesi 44 jastaǵy Sultan Ahmetov "Ákemizge qalyńdyq" jobasynyń redaksıasynda óz taǵdyryn baıandady. 

Baǵdarlama keıipkeriniń aıtýynsha, 7 jyldan keıin áıeliniń júris-turysy ózgere bastaǵan. Ol úıden uzyn etek kıip shyǵyp, tabaldyryqtan attaı sala, ashyq-shashyq kıimin, basyna parıgin kıip, basqa adammen kezdesip júrgen.

Kúıeýi jarynyń opasyzdyǵyn bilip qoıǵan kezde kózine shóp salǵan áıeli kúıeýin tastap, balalardy alyp ketken. Bul jaıt Sultandy eseńgiretip jibergen. Tek balalary ózine oralǵanda ǵana esin jıdy. Balalardy kúıeýine berer áıel shart qoıǵan. Birinshi balasy úshin jıp, ekinshisi úshin úı, úshinshisi úshin jıhaz dúkenin talap etken.

Balalardyń ákesi oılanbastan áıeliniń suraǵanyn berdi. Degenine qol jetkizgen áıel kólikpen kelip, balalardy úıiniń qaqpasyna ákep tastaıdy. Sol sátte balalarynyń kishisi nebári 11 aılyq bolǵan.

Búginde  Sultan balalary úshin ózin qolǵa alyp, qıyndyqty eńserip keledi. Azamat búginde jobaǵa qatysyp, ózine jar tabýdan úmitti.

– Men áli jaspyn, sondyqtan shynaıy jar súıispenshiligine laıyqpyn, – dedi Sultan.

Joba komandasy psıhologpen keńese otyryp Sultan úshin tańdaǵan áıeldiń esimi – Gúlnaz. Jasy 39-da. Ol – Almaty qalasynyń týmasy. Qalalyq áıel Sultanmen, onyń anasy men balalarymen birge aýylda tirshilik ete ala ma? Ony ýaqyt kórsetedi.