2006 jylǵy úlgidegi nomınaly 2, 5, 10 myń teńgelik banknottardy qabyldaý jáne aıyrbastaý 1 aqpanda aıaqtalady. Ulttyq banktiń Qolma-qol aqsha aınalysy departamentiniń dırektory Jomart Qajymuratov osylaı dep málimdedi, dep habarlady QazAqparat.

Onyń aıtýynsha, 2006 jylǵy úlgidegi nomınaly 2 000, 5 000, 10 000 teńgelik banknottardy qabyldaý jáne aıyrbastaý merzimi aıaqtalyp qaldy.

Jeke tulǵalar úshin banknottar tek Ulttyq banktiń fılıaldarynda aıyrbastalady.

– Osy atalǵan banknottar qolda bar bolǵan jaǵdaıda, Ulttyq banktiń jaqyn mańdaǵy fılıalyna baryp, 1 aqpan saǵat 15:00-ge deıin ulttyq valútanyń qoldanystaǵy aqsha belgilerine aýystyryp alýdy suraımyz, – dedi Jomart Qajymuratov.

2021 jyldyń 2 aqpanynan bastap 2006 jylǵy úlgidegi nomınaly 2000, 5000 jáne 10000 teńgelik banknottar Qazaqstan Respýblıkasynyń búkil aýmaǵynda qabyldanbaıdy jáne aýystyrylmaıdy.