Sybaılas jemqorlyqqa qarsy is-qımyl agenttiginiń tóraǵasy Alık Shpekbaev Qazaqstanda bes vıse-mınıstrge qatysty qylmystyq is qozǵalǵanyn aıtty.

Shpekbaevtyń aıtýynsha, 2020 jyly túrli dárejedegi 210 basshy qylmystyq jaýapkershilikke tartylǵan.

– 722 adam sottaldy, onyń ishinde bir oblys ákimi, oblys ákimderiniń naqty orynbasarlary, eki jaýapty hatshy, komıtetterdiń eki tóraǵasy, bir elshi, bes sýdıa, 10 aýdan ákimi men olardyń orynbasarlary. Bes vıse-mınıstrge, komıtetterdiń bes tóraǵasy men olardyń orynbasarlaryna, sondaı-aq kvazımemlekettik uıymdardyń bes top-menedjerine qatysty qylmystyq ister tergelýde, – dedi Shpekbaev sybaılas jemqorlyqqa qarsy qyzmet alqasynyń otyrysynda.

Sondaı-aq Shpekbaevtyń málimetinshe, 2020 jyly 25 asa aýyr jáne 1368 aýyr qylmys, júıeli sybaılas jemqorlyqtyń 112 faktisi anyqtalǵan. Sotta uıymdasqan qylmystyq toptardy (UQT) qurý faktileri boıynsha tórt is qaralady.