Facebook kompanıasynyń basshysy Mark Sýkerberg Facebook áleýmettik jelisinde azamattyq jáne saıası toptardy endi jarnamalamaıtynyn málimdedi.

Atalmysh kompanıa qarashada AQSH-taǵy prezıdent saılaýy kezinde Facebook-ti saıası agıtasıa jasaıtyn platforma retinde qoldanýǵa jol bermeıtinin aıtqan. Sársenbide Facebook bul zań tek AQSH-qa ǵana emes barlyq elge qatysty ekenin habarlady.

Sársenbide senator Ed Markeı Mark Sýkerbergke saýal joldady. Onda saıası toptardy jarnamalaýdy toqtatý týraly habarlamasyna qaramastan ondaı jumystar nelikten áli kúnge atqarylyp jatqanyn surady.

– 6 qańtarda AQSH Kapıtolıasyndaǵy bassyzdyq eń aldymen Facebook-te uıymdastyrylǵan, – dep aıyptady ol.

Mark Sýkerberg kez kelgen adam ózine qajetti toptardy izdep, jazyla alatynyn aıtty.

Baqylaýshylar Facebook jeli qoldanýshylaryna toptardy usyný algorıtimin qysqartýdy talap etti. Atalmysh jeli jalǵan aqparat taratýdyń naǵyz oshaǵyna aınalǵany da aıtyldy.

Mark Sýkerberg Facebook-te saıası mazmundaǵy jazbalardy azaıtý jumystary júrgizilip jatqanyn habarlady.