Prezıdent Qasym-Jomart Toqaev ekologıa, geologıa jáne tabıǵı resýrstar mınıstri Maǵzum Myrzaǵalıevti qabyldady, dep habarlady Aqorda saıty.

Mınıstr Myrzaǵalıev ekologıa, geologıa jáne tabıǵı resýrstar mınıstrliginiń ótken jylǵy jumysynyń negizgi nátıjeleri, sondaı-aq aldaǵy ýaqyttaǵy josparlary týraly baıandaǵan.

Sondaı-aq ol memleket basshysyna bıylǵy ósimdik ósetin kezeńdi sýmen qamtamasyz etý máseleleri jaıynda aıtqan.

Mınıstrdiń málimetinshe, bıyl qardyń az túsýine baılanysty elde sý tapshylyǵy bolýy múmkin. Bul rette prezıdent sý arnalaryn sıfrlandyrý jónindegi jumystyń mańyzdylyǵyn atap ótti. Aldaǵy 5 jyl ishinde búkil respýblıka boıynsha 119 arnany sıfrlandyrý qajet.

Mınıstr Toqaevqa balyq sharýashylyǵyn damytýdyń 2030 jylǵa deıingi baǵdarlamasy júzege asyryla bastaǵanyn aıtty. Maǵzum Myrzaǵalıevtiń pikirinshe, 10 jyl ishinde balyq óndirisin 9 myńnan 270 myń tonnaǵa deıin arttyrýǵa múmkindik bar.

Sonymen qatar mınıstr Myrzaǵalıev prezıdentke geologıalyq barlaý, ekologıalyq týrızm jáne ulttyq parkterdiń jaı-kúıi týraly baıandady.

Kezdesý sońynda memleket basshysy ekologıa, geologıa jáne tabıǵı resýrstar mınıstrine birqatar naqty tapsyrma berdi.