Qazaqstan musylmandary dinı basqarmasy koronavırýsqa qarsy vaksına salýǵa qatysty málimdeme jasady. Bul týraly dinı basqarmanyń resmı saıty habarlady.

Dinı basqarmanyń málimetinshe, sharıǵat boıynsha ekpe salýǵa bolady.

"Arnaıy medısına mamandary qazirgi tańda álemge qaýip tóndirgen koronavırýs indetiniń aldyn alý úshin vaksınasıalaýdyń adam densaýlyǵyn saqtap qalýdyń qaýipsiz jáne tıimdi ádis ekenin aıtyp jatyr.

Al sharıǵat boıynsha zárý jaǵdaıda ekpe salýǵa bolady. Alaıda ekpe saldyrý – ár azamattyń óz erki" delingen habarlamada.

Keshe ortalyq komýnıkasıalar qyzmetindegi baspasóz máslıhaty barysynda densaýlyq saqtaý vıse-mınıstri Erlan Qıasovqa "Koronavırýs vaksınasy "halal" ma?" degen saýal qoıylǵan.