Prezıdent Qasym-Jomart Toqaev "Digital Almaty 2021" forýmy qatysýshylaryna beıneúndeý jasady. Bul týraly memleket basshysynyń baspasóz hatshysy Berik Ýálı Facebook paraqshasynda jazdy.

Atalǵan sharaǵa EAEO úkimetteriniń basshylary, Eýrazıalyq komısıa jáne TMD atqarý komıtetiniń jetekshileri, sonymen qatar, sıfrlandyrý salasynyń sarapshylary men mamandary qatysyp jatyr.

– Qazaqstan prezıdenti pandemıadan keıingi kezeńdegi sıfrlandyrý máselesi jaıyndaǵy oıymen bólisti. "Bolashaq – tehnologıalar men ınovasıalardyń enshisinde ekenin jaqsy túsinemiz", – dedi Qasym-Jomart Toqaev.

"Memleket basshysy Qazaqstanda jasandy ıntellekt tehnologıalaryn jáne aýqymdy derekterdi taldaýdy damytý týraly aıtty. Budan bólek Prezıdent EAEO elderiniń sıfrlyq yntymaqtastyǵy boıynsha birqatar ózekti baǵyttardy atap ótti" delingen jelidegi jazbada.