Premer-mınıstr Asqar Mamın "Digital Almaty 2021" forýmyna qatysýshylarǵa beıneúndeý jasady.

– Pandemıa jaǵdaıynda Qazaqstan ekonomıkasy turaqtylyqtyń joǵary deńgeıin kórsetkenine qýanyshtymyn. Bul negizinen memlekettik jáne jeke menshik sektorlardyń barlyq salalaryna sıfrlyq sheshimderdiń enýimen baılanysty. Shekteýlerge qaramastan, biz sıfrlyq ınfraqurylymnyń qoljetimdiligi men sapasyn arttyrý boıynsha jumysty jedeldettik. 2020 jyly 20 myń shaqyrym talshyqty-optıkalyq baılanys jelisiniń qurylysy boıynsha memlekettik-jekeshelik áriptestik jobasy aıaqtaldy. Mobıldi baılanystyń myńnan astam bazalyq stansıasy ornatyldy. Bul óńirlerdegi tehnologıalyq teńsizdik deńgeıin aıtarlyqtaı qysqartýǵa múmkindik berdi. Nátıjesinde Qazaqstan halqyn ınternetpen qamtý búginde 99 paıyzdy quraıdy, – dedi premer-mınıstr.