"Sońǵy aılarda Malavıde álbınızmmen aýyratyndar nysanaǵa alynyp óltirilýde" dep málimdedi Amnesty International quqyq qorǵaý uıymy.

Ótken aptada eki adam 12 jastaǵy albınos qyzdy úıinen urlap áketýge tyrysqan jáne basqa jerde albıızmmen aýyratyn 26 jastaǵy Saıdı Dıton óltirilgen.

Úsh er adam ony 27 qańtarda óltirgenin moıyndady, al tórtinshi kúdikti izdeýde.

Bul sońǵy tórt aıda elde álbınızmmen aýyrǵan adamdarǵa jasalǵan jeti shabýyldyń ekeýi ǵana. Qaskóıler albınostardy óltirýge jáne urlaýǵa tyrysyp qana qoımaı, olardyń qabirlerin de nysanaǵa alǵan.

Buǵan deıin adam quqyǵy uıymy esebi álbınızmmen aýyratyn adamdardy "janýarlar sıaqty" aýlap, óltirip jatyr dep habarlaǵan.

Bul oqıǵalardyń sebebi, jergilikti "dástúrli senim" boıynsha keıbireýler osy álsiz toptaǵy adamdardyń "dene músheleri men súıekteri sáttilik beredi" dep senýinde. Jergilikti dástúrli "sıqyrshy-emshiler" álbınızmmen aýyratyndardyń dene múshesi arqyly "baqytty etetin" sýsyndar jasaıdy. Sol sebepti olar óte qymbat baǵamen satylady.

BUU Adam quqyqtary jónindegi Joǵarǵy Komısary keńsesiniń 2016 jylǵy esebine sáıkes, "Albıno ańshylary aýrýdyń búkil denesin 75000 dollarǵa deıin satady".

Amnesty International adam quqyǵy uıymynyń Afrıkanyń ońtústigi boıynsha dırektorynyń orynbasary Mýleıa Mvananánda sońǵy shabýyldar álbınızmmen aýyratyn adamdardyń múlde qaýipsiz emes ekenin kórsetetinin aıtyp, eskertý jasady.

– Bul shabýyldar "jazasyzdyq mádenıetinen" týyndaıdy jáne Malavıa bıligi qylmyskerlerdi ádil sotqa tartý úshin jedel túrde áreket etýi kerek, – dep qosty ol.

Álbınızmmen aýyratyn adamdar qaýymdastyǵynyń atqarýshy dırektory Menard Zaharıa Mvananánda hanymnyń pikirin qoldaı otyryp, Malavı úkimeti "ishki jáne halyqaralyq adam quqyǵy zańdary boıynsha qurbandarǵa ádilettilikti qamtamasyz etýge mindetti" dep málimdedi.