Búgin Nur-Sultan qalasynda joǵary sot sýdıasy Meıram Janǵuttınov iri kólemdegi aqsha alý kezinde ustaldy. Bul týraly vedomstvonyń baspasóz qyzmeti habarlady.
Vedomstvo málimetinshe, sybaılas jemqorlyqqa qarsy is-qımyl agenttik pen joǵary sottyń ishki qaýipsizdik qyzmeti belgili bir ýaqyt ishinde birlesken is-sharalar júrgizgen. Nátıjesinde, 11 aqpanda Nur-Sultan qalasynda qomaqty para alý kezinde joǵarǵy sot sýdıasy ustaldy.
"Qarajat onyń joǵary sot keńesinde jumys istegen kezinde Túrkistan oblysy aýdandyq sotynyń sýdıasyn basqa sotqa aýystyrýǵa járdem kórsetkeni úshin berilgen. Osy ýaqytta Túrkistan qalasynda aqshany berip jibergen aýdandyq sottyń sýdıasy ustaldy", delingen habarlamada.
Baspasóz qyzmetiniń habarlaýynsha, tergeý amaldarynyń júrgizilýine baılanysty budan basqa aqparat jarıalanbaıdy.
Pikir qaldyrý