Keshe Nur-Sultan qalasynyń ákimi Altaı Kólginov turǵyndarmen onlaın rejımindegi eseptik kezdesýde astanada turyp jatqan Ispanıa azamatynyń aǵylshyn tilinde qoıǵan saýalyna aǵylshynsha jaýap bergen.

Dıego Amado degen shetel azamaty ákimge Madrıdte adamdar serýendep, velosıpedpen júrý úshin demalys jáne mereke kúnderi qala ortalyǵy jabylatynyn aıtyp, osy tájirıbeni qarastyrýdy usynǵan.

 

 

 

Posmotret etý pýblıkasıý v Instagram

 

 

 

Pýblıkasıa ot Sputnik Kazahstan (@sputniknewskz)

Ákim shetel azamatyna qalanyń damý josparynda jaıaý júrginshilerge kóbirek múmkindik jasaý qarastyrylǵanyn aıtyp, Dıego Amadony jobalarǵa qatysýǵa shaqyrǵan.

Áleýmettik jelide qala ákiminiń aǵylshynsha jaýaby biraz talqylanǵan. Biri onyń shet tilde sóılegenine rıza bolsa, kelesiler muny pıar dep jatty.

Al búgin Qumash telegram-kanaly ákimge suraq qoıǵan Dıego Amado týraly birqatar derekter jarıalady.

"Dıego Amado astanada 4 jyldan beri turyp jatyr. Óńdeý zaýytynda dırektor bolyp qyzmet etedi. Ara-tura akter bolyp nápaqa tabatyny da bar" dep jazǵan aqparat resýrsy Dıego Amadonyń qatysýymen túsirilgen eki beınerolık jarıalady.

Birinde shetel azamaty barmen rólin somdasa, ekinshisinde orys tilinde ózi týraly aıtyp bergen.

Buǵan deıin, "Vremá" gazetiniń jýrnalısi Mıhaıl Kozachkov Altaı Kólginov komandasyndaǵy adamdary arqyly jeke pıarmen aınalysyp otyrǵany týraly habarlaǵan. Pıar sqemasynyń bir ushy Kólginovtyń burynǵy baspasóz hatshysy, keńesshisi, Elorda Aqparat  JSHS basshysy bolǵan Jarqyn Túsipbekuly Jumadilovqa qatysy bary anyqtalyp, ol óz erkimen qyzmetinen ketken.