Ilon Mask Reseı prezıdenti Vladımır Pýtındi Clubhouse-ta suhbattasýǵa shaqyrǵan soń, Kreml bul usynysqa qyzyǵatynyn málimdedi.

Pýtınniń ókili Dmıtrıı Peskov Ilon Masktyń Reseı prezıdentimen Clubhouse qosymshasynda sóılesý týraly usynysyn qarastyryp jatqanyn málimdedi.

"Bul, árıne, óte qyzyqty usynys" dedi Kremldiń baspasóz hatshysy Dmıtrıı Peskov memlekettik Interfaks agenttigine.

Peskov dúısenbide Pýtınniń Kremldiń áleýmettik jelilerindegi birde-bir akkaýntyna qatysy joq ekenin aıtty. Sondyqtan Kreml usynysty qabyldaýdan buryn suhbat týraly oılaný kerek ekenin atap ótti.

"Biz aldymen muny anyqtaǵymyz keledi. Sizder prezıdent Pýtın áleýmettik jelilerdi tikeleı qoldanbaıtynyn bilesizder" dedi Peskov jýrnalıserge.

"Biz bul neni bildiretinin, onda ne usynylatynyn túsinýimiz kerek. Aldymen biz munyń barlyǵyn tekserip, sodan keıin jaýap qaıtaramyz" dedi ol.

Masktyń shaqyrýyn onyń kóptegen jazylýshalyry Twitter-de quptady, alaıda, synaýshylar da boldy.

Qazirgi ýaqytta reseılikter demokratıalyq opozısıa jetekshisi Alekseı Navalnyıdyń ustalýyna narazylyq bildirip, Pýtınge ashyq qarsy shyǵýda.

Al, Masktyń senbidegi tvıtine jaýap bere otyryp, Navalnyıdyń sybaılas jemqorlyqqa qarsy naýqanynyń jetekshisi Rýslan Shaveddınov óziniń Twitter paraqshasynda "Brat, ony Marsqa ózińmen birge alyp ket" dep Masktyń SpaceX kompanıasynyń 2026 jylǵa deıin Marsqa adamdardy aparý josparyna silteme jasady.

Jańa ǵana paıda bolǵan áleýmettik jeli platformasy Clubhouse sońǵy aptalarda Facebook-tiń bas dırektory Mark Sýkerberg pen Microsoft korporasıasynyń burynǵy bas dırektory Stıv Balmer sıaqty tanymal bıznes jetekshilerin tarta otyryp, tanymal boldy.

Mask platformada belsendi bolyp, Robinhood kompanıasynyń bas dırektory, mıllıarder Vlad Tenevpen suhbattasty jáne reper Kane Ýestpen aldaǵy ýaqytta suhbattasatynyn málimdedi .

Aıta keteıik, buǵan deıin Tesla kompanıasynyń bas dıerktory Ilon Mask Reseı prezıdentin Clubhouse qosymshasynda suhbattasýǵa shaqyrǵan.