Eýropa aspanyn jap-jaryq etip, gúrildegen daýys shyǵaryp qozǵalǵan zat paıda boldy. Mamandar zattyń ne ekenin túsindirdi. Bul týraly Londonda shyǵatyn The Independent basylymy habarlady.

Eýropada, ásirese, Ulybrıtanıada myńdaǵan adam jeksenbi kúni keshke aspannan baıaý qozǵalǵan ot sharyn kórgenin habarlady. Jer atmosferasyna kirgen meteorıt sıaqty zat jaryq pen jylý shyǵaryp, Ulybrıtanıa, sondaı-aq Irlandıa, Nıderlandy elderiniń aspanynda qatty gúrildegen dybys týdyrdy.

Zertteýshilerdiń aıtýynsha, Jer atmosferasyna qulaǵan meteor alǵashynda asteroıd retinde bastalyp, Mars pen Iýpıterdiń arasynda paıda bolǵan. zertteýshiler meteorıttiń bólikterin qazir Cheltnemnen tabýǵa bolatynyn aıtady.

Ot sharlary Halyqaralyq meteorlyq uıymnyń eń kóp habarlanǵan obektisine aınalýy múmkin. Egjeı-tegjeıli esepter, sonyń ishinde aspandaǵy ot sharynyń vıdeolary zertteýshilerge asteroıdtyń tabıǵatyn jáne onyń qalaı qulaǵanyn túsinýge múmkindik beredi.