Áıelder quqyǵy týraly kóp aıtylyp júr. Keıde erlerdiń quqyǵy da eleýsiz qalyp jatatyn jaǵdaılar ushyrasady.

Tarıhqa kóz jibersek, áıelderdiń quqyn qorǵaıtyn femınıstik qozǵalystar qyzmetin ótken ǵasyrdyń basynda bastaǵan. Al erlerdiń quqy týraly qozǵalystar odan jarty ǵasyrdan astam ýaqyttan keıin paıda bolǵan.

Erler quqyǵyn qorǵaý qozǵalysy – erler qozǵalysynyń bir tarmaǵy. Qozǵalys jalpy áleýmettik máselelerge jáne belgili bir memlekettik qyzmetterdiń erlerge keri áser etetin nemese keıbir jaǵdaılarda qurylymdyq jaǵynan kemsitetin ártúrli dıskrımınasıaǵa baǵyttalǵan.

Erlerdiń quqyǵyn qorǵaý qozǵalysynda talqylanatyn jalpy taqyryptarǵa otbasy zańnamasynda áıelderge berilgen yqtımaldy jeńildikter jatady, sonyń ishinde ajyrasqan soń balalardy qamqorlyqqa alý, alımentter jáne neke múlkin bólý sıaqty máseleler kiredi.

Qozǵalys sonymen qatar balany erlerdiń alýy, sýısıd, er adamdarǵa qarsy turmystyq zorlyq-zombylyq, bilim alý, áleýmettik qaýipsizdik isteri jáne densaýlyq saıasatyna qatysty máselelerdi kótergen.

Erlerdiń quqyǵyn qorǵaý qozǵalysy 1970 jyldardyń basynda erlerdi azat etý qozǵalysynan bólinip shyqty, eki top ta úlken erler qozǵalysynyń bir bóligin qurady.

Qurylǵannan bastap erler quqyǵyn qorǵaý qozǵalysy kóptegen syndarǵa ushyrady jáne keıbir ǵalymdar bul qozǵalysty nemese onyń bólikterin femınızmge qarsy reaksıa retinde sıpattady. Erlerdiń quqyǵyn qorǵaýmen baılanysty shaǵymdar men is-sharalar synǵa alynyp, jekkórýshilik jáne zorlyq-zombylyq belgileri retinde kórsetildi.

2018 jyly "erlerdiń quqyǵyn qorǵaý qozǵalysynyń keıbir jaqtary zańdy shaǵymdarǵa baǵyttalǵanyn" aıtyldy.

Degenmen, erlerdiń quqyqtaryn qorǵaýshy keıbir toptardy "erlerdiń ústemdigi" aıasyndaǵy jekkórinish ıdeologıasynyń bóligi retinde sıpattaǵandar da boldy. 

Jalpy Erler qozǵalysy  1960-1970 jyldary eń aldymen Batys elderinde paıda bolǵan, genderlik máselelerge nazar aýdaratyn er adamdar  toptary men uıymdarynan turatyn qoǵamdyq qozǵalys retinde paıda boldy.

Erler qozǵalysy ártúrli maqsattardy kózdeıtin birneshe qozǵalystardan turady.

Erler qozǵalysynyń negizgi komponentterine erlerdiń azattyq qozǵalysy, maskýlınızm, profemınıstik erler qozǵalysy, mıfopoetıkalyq erler qozǵalysy jáne erler quqyǵyn qorǵaý qozǵalysy jatady.