Prezıdenttiń baspasóz hatshysy Berik Ýálı Qazaqstan prezıdentiniń bir jyl ishinde atqarǵan jumysy týraly jınaq jaryq kórgenin habarlady.
Prezıdenttiń baspasóz qyzmeti shyǵarǵan jınaqta prezıdenttiń óńirlerge jasaǵan jumys saparlarynyń barysynda, túrli jıyndarda sóılegen sózderi, úndeýleri men málimdemeleri, otandyq jáne sheteldik buqaralyq aqparat quraldary ókilderine bergen suhbattary men ártúrli basylymdarda jarıalanǵan maqalalaryn úsh kitapqa toptastyrylǵan.
– Birinshi jáne ekinshi kitapqa Qasym-Jomart Toqaevtyń COVID-19 pandemıasyn eńserip, elimizdiń ekonomıkalyq ósimin qaıta qalpyna keltirý maqsatymen qolǵa alǵan bastamalary, halyqtyń ál-aýqatyn jaqsartý úshin memlekettiń aldynda turǵan mindetter jónindegi tushymdy oı-pikirleri, sondaı-aq, álemdik mańyzy zor halyqaralyq jıyndarda sóılegen sózderi toptastyrylǵan.
Úshinshi kitapqa memleket basshysynyń otandyq jáne sheteldik buqaralyq aqparat quraldarynda jarıalanǵan maqalalary men suhbattary toptastyrylǵan. Kitapta Qazaqstannyń halyqaralyq qatynastarǵa qatysty ustanymy, prezıdenttiń el ishindegi ózekti máselelerge qatysty oı-tolǵamdary sóz bolady, – deıdi Berik Ýálı.
Pikir qaldyrý