AQSH senatory Amerıkada kapıtıalızm mıllıarderler men qarapaıym halyq arasynda orasan zor teńizdik týdyrǵanyn aıtyp, AQSH-taǵy eń baı eki adam Djeff Bezos pen Ilon Maskty synady. Senator baılarǵa salynatyn salyqty kóbeıtýge shaqyrdy.

"Biz Amerıka tarıhynda eki jigit, Ilon Mask pen Djeff Bezos osy eldegi adamdar baılyǵynyń 40%-ynan kóp dáýletke ıe bolatyn kezde ómir súrip jatyrmyz" dedi senator Bernı Sanders Twitter-de.

Vermont senatory "Ashkózdik pen teńsizdiktiń bul deńgeıi tek azǵyndyq qana emes, tipti bul turaqsyz" dep qosty.

Al, Tesla kompanıasynyń bas dırektory Ilon Mask senator Bernı Sanderstiń úlken baılyq týraly aıtqan synyna jaýap berip, óz aqshasyn adamzatqa kómektesý úshin jumsaıtynyn málimdedi.

"Men tirshilikti kóp ǵalamsharly etýge kómektesý úshin resýrstardy jınap jatyrmyn" dedi Mask Twitter-de. 

Al Djeff Bezos ázirge eshqandaı jaýap bermedi.