The Telegraph basylymy Qytaı men Reseı AQSH-tyń "zıandy áreketin" aıyptady dep habarlady. Beıjiń men Máskeý Jahandyq alpaýyt elder arasynda turaqtylyq ornatý úshin BUU Qaýipsizdik Keńesiniń samıtin ótkizýge shaqyrdy.

Sırek kezdesetin dıplomatıalyq birlikke kelgen Batys koalısıasy buǵan deıin Qytaıǵa sanksıa salǵan. 

Sonymen birdeı ýaqytta Reseıge de sanksıa salynǵany jarıalandy. 

Qytaı sanksıalardan keıin Ulybrıtanıa men EO elshilerin shaqyrdy.

Qytaı men Reseıdiń syrtqy ister mınıstrleri Qytaıdyń Gýılın qalasyndaǵy kezdesýden soń BUU Qaýipsizdik Keńesiniń turaqty múshelerin samıtke jınalýǵa shaqyryp, birlesken málimdeme jasady. "Jahandyq turaqtylyqty saqtaý múddesinde adamzattyń ortaq máselelerin sheshý joldary týraly tikeleı dıalog qurý kerektigi" aıtqan olar "adam quqyǵy máselelerin saıasılandyrýdan" bas tartýǵa úndedi.

Reseı syrtqy ister mınıstri Sergeı Lavrov Máskeý men Beıjiń AQSH-tyń nıeti týraly uqsas pikirde dep málimdedi. "Olar qyrǵı-qabaq soǵystyń áskerı jáne saıası odaqtaryna súıenip, jańa odaqtar qurdy. BUU-nyń halyqaralyq quqyqtyq júıesin buzdy" dep aıyptady.

– Máskeý men Beıjiń Batystyń sanksıalaryn qabyldaýǵa bolmaıdy dep sanaıdy. Búginde álemdik arenada kez kelgen adamdy jazalaý – bul qate, al Reseı men Qytaıǵa qarsy osyndaı ádisterdi qoldaný – aqymaqtyq, – dedi Lavrov.