"Qazaqstan temir joly" ulttyq kompanıasy basqarma basshysy Saýat Myńbaev densaýlyq jaǵdaıyna baılanysty qyzmetinen ketetini týraly aqparat tarady.

Bul týraly aldymen YEDILOV ONLINE telegram-kanaly habarlady.

"Buǵan deıin áleýmettik jelide onyń (Saýat Myńbaevtyń - red.) omyrtqasyn zaqymdap alǵany, shuǵyl túrde Germanıanyń "Sharıte" aýrýhanasynda jetkizilgeni  týraly aqparat taraǵan" dep jazdy telegram-kanal.

Artynsha Nege.kz saıty da bul týraly jazyp, óziniń senimdi derekkózi aqparatty rastaǵanyn habarlady. Portaldyń derekkózi "onyń omyrtqadan alǵan jaraqaty tym aýyr. Áli qozǵala almaıdy. Jaǵdaıy múshkil. Sol sebepti qyzmetten ketýge aryz jazýǵa májbúr boldy" dep málimdegen.

Saýat Myńbaevtyń "Qazaqstan temir joly" ulttyq kompanıasynyń basshysy qyzmetinen ketetini resmı túrde rastalǵan joq.

Alaıda YEDILOV ONLINE telegram-kanaly onyń ornyna barýy yqtımal kandıtattardyń esimi jarıalanyp jatyr. Telegram-kanal dereginshe, ulttyq kompanıa basshylyǵyna prezıdent kómekshisi Qanat Bozymbaev nemese "Qazatomprom" kompanıasynyń basqarma basshysy Ǵalymjan Pirmanov taǵaıyndalýy múmkin.