Ulybrıtanıa premer-mınıstri Borıs Djonson bolashaqtaǵy yqtımaldy pandemıa jaǵdaıyna álem elderiniń daıyndyǵyn kúsheıtý úshin jańa jahandyq retteý týraly 20-dan astam álemdik kóshbasshyǵa usynys tastady.

Fransıa prezıdenti Makron men Germanıa kansleri Angela Merkel bastaǵan kóshbasshylar álemdegi iri basylymdarǵa arnalǵan maqalasynda Kovıd adamzatqa ekinshi dúnıejúzilik soǵystan keıingi eń úlken synaq boldy dep málimdedi.

Olardyń málimdemesinde taǵy bir pandemıa nemese densaýlyq daǵdarysy bolyp jatsa, ony qalaı eńserý kerektigi týraly aıtyldy.

Pandemıa kezinde "bári qaýipsiz bolmaıynsha, eshkim qaýipsiz bolmaıtyny" eskertildi.

Daily Telegraph gazetine jáne Fransıadaǵy Le Monde, Ispanıada El Paıs sıaqty basylymdarǵa suhbat bergen 24 lıder shekaralas yntymaqtastyqty qurý úshin ekinshi dúnıejúzilik soǵys qarsańynda jasalǵan shartqa uqsas kelisimshart qajet dep sanaıdy.

– Ekinshi dúnıejúzilik soǵystaǵy kúıreýden keıin saıası kóshbasshylar kópjaqty júıeni qurý úshin bas qosty. Maqsattary aıqyn boldy: elderdi jaqyndastyrý, oqshaýlaný men ultshyldyqtyń azǵyrýlaryn joıý.  Yntymaqtastyq pen kelisim rýhynda ǵana qol jetkizýge bolatyn qıyndyqtardy, atap aıtqanda beıbitshilik, órkendeý, densaýlyq pen qaýipsizdikti damytý qajet, – dedi Dúnıejúzilik densaýlyq saqtaý uıymynyń basshysy Tedros Adhanom Gebresıes.

Kóshbasshylardyń pikirinshe, elder endi pandemıalardy aldyn ala boljaýǵa, aldyn alýǵa, anyqtaýǵa, baǵalaýǵa jáne olarǵa joǵary dárejede úılestirilgen túrde tıimdi jaýap berýge jaqsy daıyn bolýy kerek.

"Jańa kelisim adamdardy pandemıa týraly eskertýdiń jaqsy júıesin qurýǵa kómektesedi" degen olar vaksınalar men jeke qorǵanys quraldaryn bólýdi jáne taratýdy jaqsartý kerektigin kóterdi.

Densaýlyq saqtaý salasynda basqa pandemıalar men basqa da tótenshe jaǵdaılar bolsa, birde-bir úkimet nemese kópjaqty agenttik bul qaterdi jalǵyz ózi sheshe almaıtyny da aıtyldy.