Ózbekstanmen shekaralas turatyn qazaqtyń barlyǵy ózbekshe sóıleı alady. Qyrǵyzstanǵa da jaqyn aýyldarymyzdyń barlyǵa kórshimizdi sózden súrindirýge qaýqarly. Reseımen kórshi qazaqtardy aıtpaı-aq qoısa da túsinikti shyǵar. Qyzyq, nege ǵana  bizdiń shekaraǵa jaqyn ózbekter qazaq tilinde erkin sóılemeıdi? Qyrǵyzdar da bizdiń tildi meńgerýge  qulyqty bola qoımapty. Biz nege óńgeniń tilinde sóılep ketýge shebermiz osy? Dúnıedegi ózin-ózi syılamaıtyn ult biz emespiz be ? Qyrǵyzstanǵa jaqyn ornalasqan qazaqtardy kórip osyndaı oı túıdim. Al biz bolsaq, orys tili bolmasa, qazaq tili týǵan jerinde erkin tynystar edi dep oılaımyz. Demek, orys tili bolmasa, resmı tilimiz ózbek nemese qyrǵyz tili bolyp ketýi ǵajap emes-aý. Shekaradaǵy qazaqtar, kórshi aqysy-táńir aqysy ǵoı. Biraq týǵan tilińizdiń aqysynan  utylyp qalmańyzdar!

Aınur Tóleý