Italıa reseılik elshiliktiń eki qyzmetkerin elden shyǵaryp jiberýge buıryq berdi.
Reseı elshileriniń biri qupıa qujattardy aqshaǵa satyp berip jatqan jerinen ustalǵan, sondaı-aq ıtalıalyq azamat tyńshylyq jasady degen aıyppen qamaýǵa alynǵan.
Italıa syrtqy ister mınıstri Lýıdjı Dı Maıo parlamenttiń halyqaralyq qatynastar jónindegi komıtetteriniń birlesken otyrysynda bul oqıǵa "óte aýyr dushpandyq áreket" dep málimdedi.
Italıanyń Karabınıerı áskerılendirilgen polısıasy fregat kapıtany teńiz ofıseri qamaýǵa alynǵanyn habarlady. Onymen birge bolǵan Reseı qarýly kúshteriniń múshesi de ustaldy, biraq onyń dıplomatıalyq mártebesin eskere otyryp, birden qamaýǵa alǵan joq.
Pikir qaldyrý