Prezıdent Q.Toqaev Qaraǵandy farmasevtıka zaýyty shyǵarǵan "Spýtnık-V" vaksınasyn saldyrdy. Bul týraly prezıdenttiń baspasóz qyzmeti habarlady.

 

"Prezıdenttiń vaksına saldyrǵannan keıingi hal-jaǵdaıy jaqsy. Eshqandaı janama áserler joq. Memleket basshysy vaksına saldyryp, ujymdyq ımýnıtet qalyptastyrý arqyly ǵana Qazaqstan azamattary koronavırýsty jeńe alatynyna, barlyq shekteýlerdiń alynatynyna, halyqtyń qalypty turmys-tirshiligine qaıta oralatynyna senimdi. Qasym-Jomart Toqaev barsha halyqty meılinshe tezirek vaksına saldyrýǵa shaqyrdy. Bul – ózińdi jáne jaqynyńdy qorǵaýdyń jalǵyz joly. Buǵan deıin prezıdent úkimetke jáne jergilikti atqarýshy organdarǵa shetelden vaksına jetkizýdi qamtamasyz etýdi jáne otandyq vaksına óndirýdi jolǵa qoıýdy, sondaı-aq, ekpe salý úderisin uıymdastyrýdy tapsyrǵan bolatyn" delingen aqparattyq habarlamada.

 

Buǵan deıin Toqaevtyń otandyq vaksına saldyratyny habarlanǵan. Buny keshe, 5 sáýirde prezıdenttiń baspasóz hatshysy Berik Ýálı Habar24 arnasyna bergen suhbatta qaıtalap aıtqan.