Elimizde Qazaqstan Respýblıkasynyń Tuńǵysh Prezıdenti Nursultan Nazarbaevtyń Jastar jylynyń ashylý saltanatynda jarıalanǵan tapsyrmasyna sáıkes «Jas maman» jobasy júzege asyrylýda.

Jobanyń maqsaty «Jas maman» jobasy sheńberinde kolejdiń materıaldyq-tehnıkalyq bazasyn halyqaralyq talaptarǵa sáıkes jabdyqtaý, suranysqa ıe mamandyqtardy jańǵyrtý jáne bilikti mamandardy daıarlaýdyń halyqaralyq tájirıbesin engizý arqyly Respýblıkalyq jáne Halyqaralyq World Skills chempıonattaryna stýdentterdi daıyndaý barysynda shyǵarmashylyq qabiletteri men qyzyǵýshylyǵyn qoldaý, jumys daǵdysy men tásilderin jańǵyrtý.

«Jas maman» jobasynyń sheńberinde kolejdiń oqý-óndiristik bazasy jańartyldy. Stýdentterdi suranysqa ıe 100 mamandyq boıynsha oqytý maqsatynda qajetti zamanaýı qural-jabdyqtarmen jabdyqtaldy. İT jáne qurylys, komýnaldyq sharýshylyq baǵyttary boıynsha oqý kabınetteri men sheberhanalary jańa tehnologıalarmen tolyqtyryldy. Endi stýdentter jelilik qurylǵylardy konsolde de, grafıkalyq ınterfeıste de basqarýdy úırenedi. Jańa materıaldyq-tehnıkalyq baza eńbek naryǵynda suranysqa ıe bilikti kadrlardy daıarlaýǵa múmkindik beredi»,-deıdi Taldyqorǵan joǵary polıtehnıkalyq kolejiniń dırektory Erqat Bıǵalıuly.

Kolejderdi jańǵyrtýǵa arnalǵan jabdyqtardyń tizimi jergilikti atqarýshy organdar men kolejderdiń usynystaryna, jumys berýshilerdiń talaptary men WorldSkills standart¬tar¬yna sáıkes jasalady. Nátıjesinde Taldyqorǵan jońary polıtehnıkalyq kolejinde World Skills jattyǵý lageri qurylyp, ártúrli deńgeıdegi World Skills chempıonattaryna qatysýshylardy daıyndaýǵa jáne sertıfıkattaýǵa múmkindik berip otyr.

Basty oqý korpýsynyń úshinshi qabatynda jáne oqý-óndiristik sheberhanalarynda İT jáne qurylys, komýnaldyq sharýshylyq baǵyttaryna arnalǵan WorldSkills jattyǵý lageri ornalasqan. World Skills jattyǵý lagerinde İT baǵyty: «Web-dızaın jáne ázirleý», «Prototıpteý», «Grafıkalyq dızaın», «Jelilik jáne júıelik ákimshilendirý», «Aqparattyq kabeldik jeliler», «Mobıldi robototehnıka», «Bızneske arnalǵan IT-sheshimder», «Elektronıka», «Injenerlik grafıka Cad», «Zattar ınterneti», «Beınemontaj», «Ushqyshsyz ushý apparattaryn basqarý», «Aqparattyq qaýipsizdik», «Baspa tehnologıasy» boıynsha chempıonatqa daıyndaıdy.

Sonymen qatar Qurylys jáne komýnaldyq sharýashylyq baǵyty boıynsha: «Tas qalaý», «Syrlaý jáne sándik jumystar», «Taqtaıshalarmen qaptaý», «Beton jumystary», «Aǵash usta isi», «Qurǵaq qurylys jáne sylaq jumystary» quzirettilikterin oqytýda.

Almaty oblysynyń bilim basqarmasynyń uıymdastyrýymen Taldyqorǵan joǵary polıtehnıkalyq kolejiniń bazasynda «WorldSkillsTaldykorgan» aımaqtyq kásibı sheberlik chempıonaty ótkizilgen bolatyn. Aımaqtyq chempıonatqa 18 kompetensıa boıynsha oblystaǵy 15 kolejden 99 bilim alýshy qatysty.

Aıta keteıik, Taldyqorǵan joǵary polıtehnıkalyq kolejiniń stýdentteri 16 quzirettilik boıynsha aımaqtyq chempıonattan júldeli ornydar alyp, qazirgi ýaqytta Respýblıkalyq «World Skills Kazakhstan» chempıonatynda daıyndyq ústinde.