Qyzylorda qalasynyń ákimi laýazymyna Qazantaev Ǵanıbek Qonysbekuly taǵaıyndaldy, dep habarlady oblys ákiminiń baspasóz qyzmeti.
"Qazaqstan Respýblıkasy prezıdenti ákimshiligi men Qyzylorda qalalyq máslıhatynyń kelisimderi boıynsha oblys ákiminiń 2021 jyldyń 8 sáýirdegi ókimimen Qyzylorda qalasynyń ákimi laýazymyna Qazantaev Ǵanıbek Qonysbekuly taǵaıyndaldy" delingen habarlamada.
Buǵan deıin Qyzylorda qalasynyń ákimi Nurlybek Mashbekuly Nálibaev premer-mınıstr keńsesiniń óńirlik damý bóliminiń meńgerýshisi laýazymyna taǵaıyndalǵany habarlanǵan.
Ǵanıbek Qazantaev 1960 jyly Qyzylorda oblysynda týǵan. Jambyl gıdromelıoratıvtik-qurylys ınstıtýtyn "ınjener-qurylysshy" jáne Qorqyt ata atyndaǵy Qyzylorda memlekettik ýnıversıtetin "munaı jáne gaz kenishterin ıgerý" mamandyqtary boıynsha bitirgen.
Eńbek jolyn 1980 jyly Jalaǵash aýdandyq 9-shy jyljymaly mehanızasıalanǵan kolonnanyń masteri retinde bastaǵan.
1983-1992 jyldary Qyzylorda oblysyndaǵy qurylys uıymdarynda master, aǵa jumys óndirýshi, óndiris-tehnıkalyq bóliminiń bastyǵy, 3-shi aýdanaralyq mamandandyrylǵan jyljymaly mehanızasıalanǵan kolonnanyń bas ınjeneri.
1992-2013 jyldary «Neftegazstroı Kyzylorda» korporasıasynyń prezıdenti, «Aı-Dan» jaýapkershiligi shekteýli seriktestigi bas dırektorynyń orynbasary, «SSK «Aqmeshit» aksıonerlik qoǵamynyń prezıdenti, «Aı-Dan Munaı» jaýapkershiligi shekteýli seriktestiginiń atqarýshy dırektory, «Syrdarıamunaı» aksıonerlik qoǵamynyń bas dırektory, «Transneftservıs» BK» jaýapkershiligi shekteýli seriktestiginiń bas dırektory, «Kazpetrol Group» jaýapkershiligi shekteýli seriktestiginiń atqarýshy dırektory.
2013-2019 jyldary Syrdarıa aýdanynyń ákimi qyzmetin atqarǵan.
2019 jylǵy qyrkúıek aıynan bastap QR Energetıka mınıstrliginiń Munaı-gaz keshenindegi memlekettik ınspeksıasynyń ońtústik óńiraralyq basqarmasynyń basshysy qyzmetin atqaryp keldi.
Pikir qaldyrý