Ýkraına shekarasyndaǵy shıelenis kúsheıip keledi. Beısenbi kúni Vashıngton NATO-men birge Ýkraına shekarasy mańyndaǵy áskerı kúshter máselesin talqylaıtynyn málimdedi.

Al sońǵy aqparattar boıynsha, Reseı aımaqqa balıstıkalyq zymyrandardy ornalastyrǵan.

Aq úıdiń baspasóz hatshysy Djen Psakıdiń sózine sáıkes, Reseıdiń osy aımaqtaǵy eń iri áskerı manevrleri retinde sıpattalǵan jaǵdaıǵa Vashıngton "barǵan saıyn alańdaıdy".

"Osy aptada ǵana Ýkraınanyń bes sarbazy qaza tapty. Munyń bári alańdaýshylyq týdyrady" dedi Psakı jýrnalıserge.

Reseıdiń áskerı kúshteri týraly alǵashqy habar ótken aıda jarıalanǵan bolatyn. Áleýmettik jelidegi kadrlarda Reseıden ońtústik pen ońtústik-batysqa qaraı jyljyp bara jatqan kóptegen tankter, áskerler men basqa tehnıkalar kórsetilgen.

Ýkraınanyń shyǵysyndaǵy Reseı qoldaıtyn separatıster men ýkraın úkimetiniń áskerleri arasyndaǵy urys 2014 jyly bastaldy. Reseı sol jyly Qyrymdy aneksıalap alǵan. Degenmen, sońǵy jyldary shıelenis báseńdegen.