"Buqar-jyraý" kesheniniń turǵyndary 24 sáýir kúni Almatyda bolǵan atysqa páter ıeleriniń kooperatıvi túrtki bolǵanyn aıtty. Bul týraly KTK saıty habarlady. 

Saıt málimetinshe, atys bolatyn kúni bıznes-klass sanatyndaǵy úıdiń sharýashylyǵyna jaýaptylar júıkesi juqa azamattyń ruqsatynsyz jıhazyn dalaǵa shyǵaryp tastaǵan. Bul 17-páter ıesiniń ashýyn týǵyzǵan. Sodan ol qolyna myltyq alyp, keshenniń kúzetshisimen janjaldasyp, artynsha onyń aıaǵynan atqan.

Kórshileriniń aıtýynsha, atysty bastaǵan Rýslan Isaev degen Reseı azamaty. 53 jastaǵy er adam Daǵystannan Qazaqstanǵa áıeli, 4 balasymen jumys babymen kóship kelgen. Alaıda 2 jarym jyldan keıin áıeli balalarymen birge otanyna oralǵan. Sonymen qosa búlikshil adam Sheshenstanda soǵysqa qatysqany belgili boldy. Ol sonda mıynan jaraqat alyp, aqyl-esinde aýytqý paıda bolǵan. 

– Al atys bolardan 10 kún buryn páteriniń terezesine Reseı prezıdenti Pýtınge qarsy uran jazylǵan plakat ilgen. Bul týraly turǵyndar komýnaldyq kásiporynǵa birneshe ret habarlaǵan. Alaıda tıisti mekemeden esh áreket bolmaǵan. Eger kooperatıv qyzmetkerleri jedel jaýap bergende, qaıǵyly jaǵdaıdyń aldyn alýǵa bolatyn edi, – deıdi kórshiler.

Qazir polısıa qyzmetkerleri qaıtys bolǵan adam oq-dári salynǵan qarýdy qaıdan alǵanyn anyqtap jatyr. 

Buǵan deıin senbi kúni Almatydaǵy "Buqar jyraý" turǵynúı kesheninde atys shyǵarǵan kúdikti 17 qabattan sekirip qaza tapqany habarlanǵan.