Keshe ǵana AQSH-tyń eń iri bank júıesi JP Morgan korporasıasy osy jazdan bastap iri klıentteri úshin krıtovalútamen qor saqtaıtynyn málimdedi. 

Krıptovalúta taqyryby kóptegen adamdardy ǵana emes memleketterdiń ózin mazalaı bastady.

Zerttep qarasaq, krıptovalútany qoldaıtyndar da, oǵan qarsy bolatyndar da kóp. Degenmen bul valútany qoldaıtyndar men qoldanatyndar ýaqyt ótken saıyn kóbeıip keledi. Ǵalamdyq ekonomıkadaǵy onyń úlesi artyp keledi. Onyń bir sebebi, krıptovalútanyń ashyqtyǵy jáne "sıfrlyq altyn" sıpaty bolýynda.

Krıptovalútanyń bolashaǵyna senetin  álemdik alpaýyt kompanıalar men qarjy ınstıtýttarynyń tipti, memleketterdiń sany ýaqyt ótken saıyn kóbeıip jatyr.

Qytaı bıligi krıptovalútany ınvestısıa múmkindigi retinde kóterýde. Eýropa elderi de sıfrlyq valútany tezden daıyndaý kerek ekenin aıtty. AQSH-tyń iri bankteri men qarjylyq korporasıalary krıptovalútaǵa kóshkenin jáne kóshetinin birinen keıin biri jarıalaýda.

PayPal bıtkoın qoldanatynyn málimdedi. Mastercard aýdarymdary bıtkoın arqyly bolatynyn habarlady. Apple Pay krıptovalúta arqyly zat satyp alýǵa bolatynyn aıtty. Tesla kompanıasy 1.5 mld doldarǵa bıtkoın satyp aldy jáne kólikteri bıtkoınmen satylatynyn jarıalady. Twitter jáne Gerneral Motors kompanıalary da bıtkoınmen jumys jasaıtynyn aıtty.
Tipti, AQSH qarjy alpaýyttary JP Morgan jáne Goldman Sachs bıtkoındy qoldap, qýattap jáne qoldanatynyn málimdedi.

Álemde osyndaı iri qarjylyq transformasıa júrip jatqan kezde, ǵalamdyq jaǵdaıdy baǵamdap, erterek durys sheshim qabyldanbasa, kóptegen elderdiń búdjeti bankrottyqqa ushyraýy ábden múmkin. 

Keıbir qarjylyq mamandardyń aqparatyna sáıkes, 2030 jylǵa qaraı krıptovalúta ǵalamdyq negizgi qundy valútaǵa aınalyp, qazirgi halyqaralyq aıyrbas valúta statýsyndaǵy AQSH dollarynyń ózi qunyn tolyq joǵaltýy yqtımal. 

Memlekettiń búdjeti men ulttyq qor halyqtyń múddesine qyzmet etýge mindetti bolǵandyqtan, osyndaı tarıhı sátte jaýapty quzyrly oryndar ulttyq qordyń biraz bóligin erterek krıptovalútamen saqtaýdy qarastyrýy kerek, bul ýaqyt kúttirmeıtin tarıhı moment dep esepteımin. Olaı bolmaǵanda, bári de kesh bolýy múmkin.

Jýrnalıs: 

Talǵar Dálelǵazy