Shyǵys Qazaqstan oblysynyń Zaısan aýdanynda mal jappaı qyrylyp jatyr, dep jazady sputnik.kz saıty.
Oblystyq veterınarıa basqarmasy maldyń qyrylýyna gıpotermıa sebep bolǵanyn aıtqan.
Oblystyq veterınarıa basqarmasy basshysynyń orynbasary Ertaı Batholdın jalpy Shilikti aýyldyq okrýginde 100-ge jýyq iri qara men 110 bas qoı-eshki aýyrǵanyn aıtqan.
Jergilikti mamandar jappaı qyrylýǵa qys mezgilinen keıin maldyń ımýnıteti álsirep, kúsh-qýaty sarqylýy, 25-28 sáýir aralyǵynda óńirde aýa temperatýrasy tómendep, jaýyn-shashyn bolýy sebep degen pikirde.
– Sonyń saldarynan álsiregen janýarlarda gıpotermıa paıda bolyp, jas janýarlardyń jappaı qyrylýyna ákep soqtyrǵan. Qazirgi kezde ólekselerden patologıalyq synamalar alynyp, oblystyq zerthanaǵa tapsyryldy, – deıdi Ertaı Batholdın.
Pikir qaldyrý