Tesla kompanıasynyń bas atqarýshy dırektory Ilon Masktyń Bitcoin týraly oıyn kenetten ózgerýi Bitcoin qunyn 15%-ǵa tómendetti. İle-shala krıptovalútaǵa baılanysty kompanıalardyń aksıalary quldyrady.

Tesla kompanıasy Bitcoin arqyly kólik quraldaryn satyp alýdy ýaqytsha toqtatty jáne onyń ornyna energıany kóp qajet etpeıtin basqa sandyq valútalardy zertteıtin bolady. Bul týraly kompanıanyń bas atqarýshy dırektory Ilon Mask Twitter paraqshasynda málimdegen bolatyn.

Málimdemeden keıin búkil krıptovalúta naryǵy shamamen 365 mıllıardtan 2,06 trıllıon dollarǵa deıin tómendedi: Bitcoin, Ethereum jáne Ripple XRP tez quldyrady.

Tesla kompanıasy Bitcoin-nyń qorshaǵan ortaǵa edáýir zıan tıgizýi múmkin ekenin jarıalaýy onyń aksıalarynyń beısenbidegi naryq aldyndaǵy saýda-sattyqta 2,7%-ǵa tómendeýine ákeldi.

Ótken aıda ǵana aınalymǵa shyqqan negizgi krıptovalúta bırjasy Coinbase 5%-ǵa tómendedi. 90,000 Bitcoin bar MicroStrategy 10% quldyrady, al Twitter kompanıasynyń bas atqarýshy dırektory Djek Dorsıdiń tólemder fırmasy Square 2% tómendedi.

Krıptoqorlar da qatty zardap shekti. Riot Blockchain jáne Marathon Digital Holdings 13%, BitDigital 6% tómendedi. 

Aıta keteıik, buǵan deıin de Ilon Masktyń krıptovalúta týraly oılary men josparlary sandyq aktıv naryǵynyń kóterilýi men tómendeýine aıtarlyqtaı áser etken bolatyn.