Qazaqstandyq Forbes jýrnaly onynshy jyl qatarynan Qazaqstannyń baı 50 bıznesmeniniń tizimin jarıalady. Bul joly 60 adamnyń ishinen 50 kásipker iriktelip alynǵan. Reıtıń qatysýshylarynyń baılyǵyn baǵalaýda ıelik etetin aktıvteriniń jıyntyq quny negizge alynǵan.

Tizimdi 60 jastaǵy Vladımır Kım bastap tur. Onyń baılyǵy – $4 700 000 000. Medall óndirisi, qarjy salasymen aınalysady. KAZ Minerals, Qazaqmys sekildi iri kompanıalardyń aksıasynyń basym kópshiligine ıelik etedi. Baılyǵy bir jylda 600 mln dollarǵa artqan. Álemdegi baı adamdar tiziminde 494-orynǵa jaıǵasqan.

Ekinshi satyda $4 200 000 000  baılyǵy bar Vácheslav Kım ıelengen. 51 jasta. Ol byltyr bul tizimniń 8-satysynda bolǵan. Kásipker Kaspi.kz depozıt aksıalarynyń 25 paıyzyna, Alseko aksıonerlik qoǵamyna ıelik etedi. "Astana-ERS" kompanıasynda enshisi bar.

Úzdik úshtikti Kaspi.kz aksıonerlik qoǵamynyń basqarma tóraǵasy, Grýzıa azamaty Mıhaıl Lomtadze túıindegen. 45 jasta. Oǵan bank aksıalarynyń 23 paıyzy tıesili.

4. Bolat Ótemuratov. 63 jasta. Baılyǵy – $3 500 000 000. Bir jylda kapıtaly $700 mln dollarǵa artqan. Oǵan "ForteBank" aksıonerlik qoǵamynyń 87,27 paıyzy tıesili. "Vernyı Kapıtal" toby arqyly Qazaqstan men qyrǵyzstandaǵy "Bılaın" uıaly baılanys operatoryna, Nur-Sultan, Vena men Máskeý qalalaryndaǵy Ritz-Carlton qonaqúılerine, Býrabaıdaǵy Rixos Borovoe qonaqúıine,  Qazaqstandaǵy Burger King franshızasyna, Global Development kompanıasy, Qaraǵandydaǵy Sary-Arqa áýejaıynyń bóligine,  Informburo.kz ınternet portalyna, "31 kanal"  (80%) jáne taǵy sol sıaqty kóptegen kompanıalarge ıelik etedi.

5-6 Tımýr men Dınara Qulybaevtar. Qazaqstannyń tuńǵysh prezıdenti N.Nazarbaevtyń kúıeý balasy men úlken qyzy. Árqaısysynyń baılyǵy – $2 900 000 000. Tımýr Qulybaevtyń atynda enshiles kóptegen kompanıalardy biriktiretin sıngapýrlyq Steppe Capital Pte Ltd kompanıalar toby, "Kıpros" holdıńi, Qazaqstanda jáne shetelde komersıalyq jyljymaıtyn múlikti arendaǵa beretin "Mercury Properties" JSHS,"Almeks" holdıńi bar.