AQSH prezıdenti Djo Baıden Izraıl men Gazadaǵy HAMAS toby arasyndaǵy segiz kúndik soǵysty toqtatýǵa qoldaý bildirdi.
Baıden Izraıl premer-mınıstri Bınámın Netanáhýǵa AQSH Egıpetpen jáne basqa eldermen soǵys qımyldaryn toqtatý jóninde jumys istep jatqanyn aıtty.
Biraq AQSH taǵy da BUU Qaýipsizdik Keńesiniń zorlyq-zombylyqty toqtatýǵa shaqyrǵan málimdemesine tosqaýyl qoıdy.
Qazir qaqtyǵys ekinshi aptaǵa aıaq basty.
Izraıl seısenbi kúni Gazaǵa áýe shabýyldaryn jasady. Izraıl armıasy bir túnde Gaza aýmaǵyna ondaǵan zymyran atylǵanyn málimdegen.
