Qazir áleýmettik jelilerdi aıtpaǵan kúnniń ózinde, dastarhan ústinde bolsyn, taksı ishinde bolsyn , bazarda bolsyn, keńsede bolsyn eki qazaqtyń basy qosylsa, bılikke degen renishteri men ashý yzasyn bildirip jatady. Jón- aq, qarapaıym qazaqqa qorǵan bolýdan bas tartqan bıligin kim jaqtaı qoıady  deısiz. Qorǵan bolýdan bas tartty degenimiz teńge baǵamyn erkine qoıyp, búkil baǵany qymbattatyp, barlyǵyn óz betine jiberip, úkimettiń jaýapkershilikten qashqany emes pe? Tek bizdiń qazaqtyń boıyna bitken shydamdylyq pen qaranyń hanǵa qarsy shyqpaǵan tektiligin saqtaǵandyqtan ǵana elimizdiń tynyshtyq ornap tur. Tek shıkizatqa ǵana súıengen elimiz úshin teńgeniń quldyrap bir dollar 300 teńge jetýi bıliktiń halyqty kún kóris kózinen aıyrǵany bolyp tabylady. Bizden basqa halyq   bul jaǵadaıǵa shydap turmas edi. Tek biz ǵana shydaýdamyz. Sonda úkimet bizdiń shydamymyzben nege alysyp áýre. Bunyń barlyǵy úkimettegi bireýlerdiń qazaqqa jasap otyrǵan qastandyǵy men arantatýshylyǵy dep túsinýge bolady. Sondyqtan, halyqty bılikke qarsy shyǵyýǵa ıtermelep otyrǵan birden bir nárse- úkimet. Al úkimetke Úkimet basshysy jaýap berýi kerek. Menińshe, qazaqty bıligine óshiktirip otyrǵan premer mınıstr Kárim Másimov qyzmetinen ketýi tıis. Qazaqqa qazaqty arandatýshy mınıstr kerek emes.

Turdybek Qurmethan