Atyraý oblysynyń bas sanıtar dárigeri M.Tanaýov karantın sharalary týraly №10 qaýlysyna ózgerister men tolyqtyrýlar engizdi.

Qaýly 2021 jyldyń 24 mamyry saǵat 00:00-den bastap zańdy kúshine enedi.

Qaýlyǵa saı: 

• azamattarda respıratorlyq ınfeksıanyń alǵashqy belgileri paıda bolǵan kezde (qurǵaq jótel, qyzba, tynys alýdyń qıyndaýy, entigý jáne t.b.) medısınalyq uıymdarǵa barmaı, jedel medısınalyq kómekke júginýge tıis delingen;
• 65 jastan asqan adamdarǵa  asa qajettilik bolmasa turǵylyqty jerinen shyqpaýǵa keńes beriledi;
• bir otbasy múshelerin qospaǵanda, halyq demalatyn alańdarda, skverlerde, jaǵalaýlarda, parkterde jáne ózge de demalatyn oryndarda 3 adamnan artyq jınalýǵa tyıym salynady;
• merekelik is-sharalardy, onyń ishinde úıde jáne jappaı adamdar jınalatyn ózge de is-sharalardy ótkizýge tyıym salynady;
• "Ashyq" jobasyna qatysatyn áleýmettik-ekonomıkalyq obektilerdiń qyzmetin qospaǵanda, túngi klýbtardyń, karaoke, kompúterlik jáne oıyn klýbtarynyń, kalán, bılárd, boýlıńterdiń, býkmekerlik keńselerdiń jumysyna tyıym salynady;
• kınoteatrlardyń, teatrlardyń, konsert zaldarynyń, fılarmonıalardyń jumysy toqtatylady;
• jınalystar, keńester, semınarlar, konferensıalar tek selektorlyq rejımde jáne beınekonferensbaılanys arqyly ótkizilýi tıis, offlaın rejımde ótkizilmeıdi;
• bank, "Qazposhta", halyqqa qyzmet kórsetý ortalyqtarynyń jumysy 9:00-den 18:00-ge deıin uıymdastyrylady. Karantın sharalaryn saqtaý úshin azamattar HQKO-ǵa jáne mamandandyrylǵan HQKO-ǵa aldyn ala Egov.kz, "EgovKZBot 2.0" telegramm-botpen brondaý arqyly bara alady;
•  kontıngenti 300 oqýshyǵa deıin qalalyq jáne aýyldyq mektepterde synyptardaǵy balalar sanyn 25 adamnan asyrmaı dástúrli formatta oqytýǵa ruqsat beriledi;
• jalpy bilim beretin mektepterde 1-5 synyp jáne halyqaralyq mektepterde 1-7 synypty qosa alǵanda balalar sanyn 25 adamnan asyrmaı aralas formatta oqytýǵa ruqsat etiledi;
• bitirýshi túlekter 9, 11 (12) synyptar úshin aptanyń 6 kúni ishinde: pánderdiń 70%-yn shtattyq rejımde, 30%-yn qashyqtan aralas formatta oqytýǵa ruqsat etiledi; (synypta oqýshylar sanyn 15 adamnan asyrmaı);
• sabaqtan tys ýaqytta oqýshylardy jeke oqytý, balalar túzetý (korreksıa) kabınetteri, balalarǵa jáne eresekterge bilim berý ortalyqtary, balalardy damytý ortalyqtary, úıirmeler, balalarǵa arnalǵan kýrstar (25 adamnan aspaıtyn toptar) aldyn ala jazylý boıynsha saǵat 09.00-den 18.00-ge deıin jumys isteýine ruqsat beriledi;
• medısına ortalyqtary, kabınetter, stomatologıalarǵa klıentter aldyn ala jazylý boıynsha bara alady;
• azyq-túlik jáne azyq-túlik emes ashyq bazarlardyń jumys kestesi saǵat 09.00-den 19.00-ge deıin jumys isteıdi;
• sulýlyq salondary, shashtarazdar, kosmetologıalyq qyzmet kórsetetin obektiler aldyn ala jazylý boıynsha qabyldanady.