AQSH prezıdenti Djo Baıden azıattarǵa qarsy shabýyldardyń kóbeıýin sheshýge baǵyttalǵan zańǵa qol qoıdy.

Pandemıa bastalǵan bir jyldan astam ýaqyttan beri AQSH-ta azıalyq amerıkalyqtarǵa jasalǵan zorlyq-zombylyq shabýyldary kúrt kóbeıgen. 

BBC aqparatyna sáıkes, Covid-19  bastalǵan 2020 jyldan beri  azıalyqtarǵa qysym artqan. Basylym oǵan mysaldar retinde, egde jastaǵy azıalyq ımıgrantty jerge ıterip jyqqannan keıin qaıtys bolǵanyn, tegi fılıppın amerıkalyqtyń betin qorap keskishpen kesip tastaǵan oqıǵany, qytaılyq áıeldi uryp, sodan keıin órtep jibergen jantúrshigerlik qylmysty jáne azıalyqtar turatyn aýmaqta bolǵan shabýyldan segiz adam qaza tapqan oqıǵany atady.

Sońǵy aılarda Amerıkada azıalyqtardyń betine túkirý jáne aýyzsha qysym kórsetýden bastap fızıkalyq shabýyl jaǵdaılaryna deıin myńdaǵan oqıǵa tirkelgen.

"Azıalyqtardy jekkórýshilik oqıǵalary keıbir qalashyqtarda shamamen 1200% ósken" dep habarlaıdy Jek kórýshilik pen ekstremızmdi zertteý ortalyǵy.

"Los-Andjeles okrýginde azıalyq amerıkalyqtarǵa qarsy jekkórýshilik qylmystary 115% -ǵa ósti" dep habarlaıdy CBS News. 

Baıden óziniń prezıdenttik qyzmetindegi birinshi aptada federaldy úkimettiń quramynda óshpendilik sózderdiń qoldanylýyna tyıym salatyn atqarýshylyq is-sharaǵa qol qoıǵan.

20 mamyrda AQSH prezıdenti  azıayqtarǵa qarsy shabýyldardyń ósýine tosqaýyl qoıý úshin "Covid-19-ǵa qatysty óshpendilik qylmysy" zańyna qol qoıdy.