Túrkistan qalasynyń ákimi Rashıd Aıýpov óziniń twitter paraqshasynda kásipker, Tesla jáne SpaceX kompanıalarynyń bas atqarýshy dırektory Ilon Maskty Túrkistanda Tesla zaýytyn salýǵa shaqyrdy.
"Bizde Mendeleev kestesiniń barlyǵy bar. Túrkistandy Uly jibek joly basyp ótken. Sondaı-aq bizde barlyq qajetti ınfraqurylym bar. Túrkistan – Tesla zaýyty úshin taptyrmas oryn" dep jazdy ol.
Jaqynda Ilon Mask Tesla zaýytyn resmı túrde Reseıde ashý máselesi qarastyrylyp jatqanyn habarlaǵan.
Tesla – elektromobıl qurastyrýmen aınalysatyn amerıkalyq kásipker Ilon Mask kompanıalarynyń biri. Tehnıka salasyna mamandanǵan mıllıarder budan bólek ǵaryshty ıgerý isimen shuǵyldanady.
Pikir qaldyrý